FIFA e ka dënuar yllin e Argjentinës, Leo Messi me katër ndeshje mos lojë për sjellje arrogante ndaj gjyqtarit në ndeshjen ndaj Kilit. Por, me këtë dënim nuk është pajtuar Barcelona. Ata mendojnë se argjentinasi nuk e ka merituar një dënim kaq të madh.

“FC Barcelona shpreh habinë e saj dhe zemërim me vendimin e Zyrës së Komisionit Disiplinor të FIFA-s për të dënuar Leo Messin pas ndeshjes kualifikuese të Kupës së Botës mes Argjentinës dhe Kilit,” thuhet në njoftimin e Barcelonës

“Klubi e konsideron dënimin të padrejtë dhe tërësisht disproporcionale. Në në fund, Barcelona dëshiron të përsërisë mbështetjen e saj për Leo Messi, i cili është lojtar shembullor, për sjelljen brenda dhe jashtë fushës.”, përfundon njoftimi i klubit katalunas.