SHSKUK ka njoftuar se në ora 12:00 do të dalë në konferencë për media drejtori i Emergjencës, Basri Lenjani, për të njoftuar zyrtarisht për gjendjen e avokatit Azem Vllasi, që u plagos mëngjesin e sotëm në Prishtinë.
“Shërbimi Spitalor Klinik Universitar (SHSKUK) njofton se në orën 12:00, drejtori i Klinikës Emergjente, dr. Basri Lenjani, do të mbajë konferencë për medie. Në konferencë do të jepen detaje në lidhje me rastin e plagosjes dhe trajtimet mjekësore që ka marrë i plagosuri. Konferenca mbahet para hyrjes së Klinikës Emergjente në QKUK”, thuhet në njoftimin e SHSKUK’ut.
Ndryshe, Gazeta Express merr vesh se QKUK’ja ka vendosur që deri në mesditë të mos japë informacione zyrtare për gjendjen e Vllasit, pasi ajo për momentin është stabile, por mund të ndryshojë. /GazetaExpress/.


