Mbrojtësi i Real Madridit, Dani Carvajal, në konferencën për media para ndeshjes me Napolin, e ka pranuar se Los Blancos nuk do ta kenë të lehtë në “San Paolo”. Ai foli edhe për Cristiano Ronaldon.
“Cristiano i lirë që të mos vrapojë? Të gjithë vrapojmë këtu dhe falë kësaj në vitet e fundit kemi arritur edhe suksese”, ka thënë Carvajal.
“Kam folur me Reinan dhe më ka thënë se do të vuajmë shumë në këtë stadium. Por, ne kemi avantazhin e ndeshjes së parë dhe duhet të mundohemi të jemi të kujdesshëm, të mos iu lëmë atyre shumë hapësira, pasi janë të shpejtë”, shtoi Carvajal. /Express/
