Sampaoli nuk do ta lë Sevillan për Barcelonën, të paktën kështu la të kuptohet pas fitores së skuadrës së tij prej 1:0 ndaj Athletic Bilbao
Luis Enrique edhe zyrtarisht nuk do të jetë trajner i Barcelonës për sezonin e ardhshëm. Këtë bëri të ditur spanjolli pas fitores prej 6:1 të Barcelonës ndaj Sporting Gijon.
Në mesin e shumë kandidatëve për ta zëvendësuar atë, është edhe Jorge Sampaoli, por, ai ka mohuar spekulimet që e lidhin atë me Barcelonën, duke insistuar se “është i lidhur me projektin e Sevillas deri në vdekje”.
“Barcelona? Pyetja nuk ka përgjigje, pasi këtu nuk ekziston asgjë”, u përgjigj Sampaoli.
“Nuk e di çfarë është thënë dhe mendoj se në këtë fazë të flasësh për kandidatët, nuk ka kuptim”, shtoi ai.
“Jam i lidhur me projektin e Sevillas deri në vdekje”, përfundoi Sampaoli.
