Nga raporti ditor i policisë së Kosovës është bërë e ditur se dje në rrugën e Vushtrrisë në Prishtinë, persona të panjohur kanë shtënë me armë zjarri në drejtim të një veture me targa vendore në të cilën ndodheshin dy viktimat, një mashkull dhe një femër.
Si pasojë e të shtënave në veturë vërehen disa vrima të shkaktuara nga arma e zjarrit.
“Dy viktimat kanë pësuar lëndime (jo nga të shtënat) duke manovruar me veturë, me qëllim që t’u shmangen të shtënave”- thuhet më tej në raportin e policisë.
:Të lënduarit janë dërguar në QKUK për tretman mjekësor”- njofon policia.


