Pezullohet kryeinspektorja e farmacisë, Remzije Thaçi

PUBLIKUAR

Remzije Thaçi, kryeinspektore e farmacisë, është pezulluar nga puna pasi ndaj saj rëndon aktakuzë tash e një kohë të gjatë. Por, Thaçi nuk shkarkohej me arsyetimin se Prokuroria nuk kishte njoftuar Ministrinë e Shëndetësisë për akuzën. MSH-ja ka reaguar me të marrë shkresën se ndaj Thaçit rëndon akuza

Drejtoresha e Inspektoratit të Farmacisë, Remzije Thaçi, është shkarkuar nga detyra. Kjo ka ndodhur vetëm pak ditë pasi gazeta “Zëri” i ka shkruar Prokurorisë një e-mail, ku ka kërkuar përgjigje për arsyet që organet hetuese nuk e kishin njoftuar Ministrinë e Shëndetësisë për aktakuzën që rëndon tash e sa kohë mbi Thaçin.

Ndërkohë që nga Ministria ishin suspenduar shumë zyrtarë tjerë të lartë ndaj të cilëve rëndonte aktakuza, përfshirë ish-sekretarin e MSH-së, Gani Shabanin, dhe dy drejtorë të njësive.

“Në bazë të përgjegjësive ligjore, Ministria e Shëndetësisë ka marrë vendim për pezullimin nga puna të drejtoreshës së Departamentit të Inspektoratit Farmaceutik, znj. R. TH., pasi është njoftuar zyrtarisht  nga Prokuroria e Shtetit, BI. Nr. 05/2017, të datës 20/02/2017, lidhur me rikthimin e aktgjykimit në gjyq të së lartpërmendurës”, thuhet në përgjigjen zyrtare.

SHIKO MË SHUMË

Moti për javën e ardhshme, e hëna nis me vranësira dhe shi

Instituti Hidrometeorologjik ka dhënë detaje mbi parashikimin e motit për javën e ardhshme në...

Operacion i madh policor në Prishtinë: Gjashtë persona në pranga, sekuestrohen mbi 300 mijë euro asete

Policia e Kosovës ka njoftuar se më 14 nëntor 2026 ka realizuar një operacion...

Më 17 nëntor shpallet aktgjykimi ndaj Thaçit dhe të tjerëve, për rastin e administrimit të drejtësisë

Të martën e 17 nëntorit, me fillim nga ora 10:00, do të mbahet seanca...