Menaxheri i Manchester Unitedit, i cili u shkarkua një vit pasi fitoi titullin me Chelsean, ka fjalë inkurajimi për trajnerin italian Claudio Ranierin
Jose Mourinho ka lë një mesazh në llogarinë personale në Instagram pas shkarkimit të Ranierit prej zyrtarëve të Leicester Cityt.
Kampionët e Ligës Premier dje e kanë shkarkuar italianin, përkatësisht një ditë pasi “Dhelprat” pësuan humbje prej 2-1 kundër Sevillas në Ligën e Kampionëve, transmeton Telegrafi.
“Kampioni i Anglisë dhe FIFA-menaxher i vitit është shkarkuar. Ky është futbolli i ri Claudio. Qeshu mik. Askush nuk mund ta fshij historinë që ke shkruar”, ka shkruar Mou në Instagram.
Leicester City zë pozitën e 17 në renditjen tabelore të ligës elitare angleze me vetëm pesë fitore në kampionat nga 25 ndeshje. /Telegrafi/
