David Trezeguet beson se Paris Saint Germain tashmë është kualifikuar në çerekfinale të Ligës së Kampionëve, pavarësisht se ka ndeshjen kthyese për ta zhvilluar në Camp Nou

Nëse PSG-ja eliminon Barcelonën nga Liga e Kampionëve, që tashmë e ka bërë këtë sipas David Trezeguet, pas fitores prej 4:0 në ndeshjen e parë, mund ta fitojë krejtësisht këtë titull.

Ish sulmuesi i Juventusit tashmë në pension, beson se PSG-ja tashmë është kualifikuar në çerekfinale të kësaj gare, pavarësisht se do të luhen edhe 90 minuta, kësaj radhe në Camp Nou.

“Pavarësisht se do të luhet ndeshja e kthimit, PSG-ja tashmë janë të kualifikuar në çerekfinale dhe janë ndër favoritët kryesor për ta fituar krejtësisht atë”, tha Trezeguet.

“Paris Saint-Germain mori fitore duke bërë paraqitje mbresëlënës. Ekipi tregoi kualitetet që ka dhe mposhti 4:0 Barcelonën duke bërë paraqitje të mrekullueshme”, shtoi ai. /Express/