Arlind Krivaqa do të jetë pjesë e përfaqësueses së Kosovës në futsall.
Lajmin e ka bërë të ditur vet futbollisti përmes një postimi në Facebook, transmeton Koha.net. Ai thotë se ka pasur oferta edhe nga Shqipëria e Austria.
“Sot, më 16 shkurt 2017 mora vendim që të jem pjesë e kombëtares së Kosovës. Me ndihmën dhe këmbënguljen kryesore të Nehat Pajazitit, i cili ishte këmbëngulës për ta veshur unë fanellën e Kosovës dhe me dëshirën time për ta përfaqësuar vendin tim, vendosa që të jem pjesë e Kosovës e jo të shtetit të Shqipërisë apo të Austrisë që isha i kërkuar nga disa në vazhdimësi. Bëra zgjidhjen që ma deshi zemra, besoj dhe shpresoj se së bashku do të shkojmë drejt sukseseve të reja”, ka shkruar ai në Facebook.
