Në prag të shënimit të nëntë vjetorit të Pavarësisë së vendit, kryesia e forumit rinor të AAK-së në Lipjan, nëpërmjet një proteste simbolike, shprehën revoltën e tyre me gjendjen aktuale në Kosovë.
“Nëpërmjet pamfletave në të cilat thuhet se “ Viktimat kërkojnë dënimin e kriminelëve”, të cilat u vendosën nëpër shumë pjesë të qytetit të Lipjanit u shpreh qartë zhgënijmi të cilin po e përjeton populli i Kosovës edhe 17 vjet pas luftes, me mos zbardhjen e fatit të të pagjeturve, mos dënimin e kriminelëve të luftës dhe ndalimet apsurde që i’u bëhen heronjëve të Kosovës të cilët u dëshmuan në çdo kohë”, njoftoi AAK-Lipjan.

Ky aktivitet u zhvillua në koordinim me nivelin qëndror të ARK-së.