Presidenti i Kosovës, Hashim Thaçi e ka shfrytëzuar rrjetin social facebook për të përkujtuar 18 vjetorin e Konferencës së Rambujesë.

Ai ka thënë se kjo konferencë ishte dëshmi se Kosova është për dialog dhe paqe, duke e vlerësuar si pikënisje për çlirim dhe pavarësi të Kosovës, transmeton lajmi.net

Lexo postimin e plotë:

Konferenca e Rambujesë, 18 vjet më parë, ishte konferenca e parë ndërkombëtare me përfaqësim gjithëpërfshirës të Kosovës.

Edhe atëherë dëshmuam se jemi për dialog dhe paqe, duke besuar në vlerat evropiane dhe në përkrahjen e miqve tanë ndërkombëtarë.

Ne iu kemi qëndruar besnikë këtyre vlerave, të cilat i kemi shndërruar në udhërrëfyes për rolin dhe angazhimin e shtetit tonë si anëtar konstruktiv i bashkësisë ndërkombëtare dhe model për ndërtimin e paqes.

Kjo konferencë ishte pikënisje e çlirimit dhe më pas e pavarësimit të Kosovës. HTH