Maxwell, mbrojtësi i Paris Saint-Germain, ka zbuluar se largimi i Zlatan Ibrahimovic ishte një goditje e madhe për ta.
Skuadra franceze, Paris Saint-Germain, nuk e ka nisur mirë këtë sezon, por gradualisht ka filluar ta marrë veten.
Sipas mbrojtësit brazilian, Maxwell, ekipi nga Parisi nuk ka pasur paraqitje të mira pasi e ka ndjerë mungesën e Zlatan Ibrahimovicit, i cili u transferua te Manchester United.
“PSG pa Ibra-n është shumë e ndryshme. Ne kemi humbur cilësinë teknike në fushë dhe udhëheqjen e Ibrës jashtë saj. Largimi i suedezit ishte një goditje shumë e vështirë”, ka deklaruar Maxwell.
“PSG tani është duke u kthyer në normalitet. Në fillim të sezonit kemi pasur disa momente të vështira, por rezultatet e mira janë duke bërë një atmosferë më të mirë”, ka deklaruar ai.
Ibrahimovic ka hyrë në histori të Paris Saint-Germain si golashënuesi më i mirë në histori të klubit me 156 gola të shënuar në 180 paraqitje. /Express/
