Luis Enrique ka kontratë me Barcelonën deri në fund të këtij sezoni. Por, strategu spanjoll deri më tani ka hezituar të vendos për të ardhmen.

Më herët presidenti i klubit,  Josep Maria Bartomeu pati deklaruar se me Enriquen do të bisedojnë për kontratën e re në prill ose maj të këtij viti.

Por, sipas Mundo Deportivos, në klub nuk besojnë se Enrique do t’i la lë në udhëkryq klubin nga Camp Nou, përcjell Express.

Ata besojnë se ish trajneri i Celta VIgos dhe Romës nëse vendos që të largohet do t’iu tregoj më herët zyrtarëve të klubit, në mënyrë që të gjejnë trajnerin e ri pa humbur kohë.

Kurse, drejtuesit e Barcelonës kanë mohuar se kanë planin B nëse largohet Enrique. /Express/