Real Madridi e ka turpëruar Levanten në Estadio Ciudad de Valencia duke e mposhtur me rezultat 5-0.Chicharito nxori një penalti, të cilën e konvertoi në gol Cristiano Ronaldo në minutën e 13-të.Javier ‘Chicharito’ Hernandez e dyfishoi epërsinë pas një harkimi të James nga e djathta (38’).

SuperRonaldo mori një top nga e majta dhe “vallëzoi” përballë mbrojtësve, para se ta shënonte golin e tretë të mysafirëve (61’).

James Rodriguez ishte realizues i golit të katërt të Los Blancos, falë një topi të bukur nga Toni Kroos (66’).

Isco ishte aty për turpërimin e Levantes (82’). Chicharito ishte i përfshirë edhe në këtë gol për të kompletuar një ndeshje të mirë.