Pronari i Tianjin Quanjian, Shu Yuhui, ka konfirmuar se ishin duke planifikuar të transferonin lojtarë si: Diego Costa, Karim Benzema, Edinson Cavani dhe Radamel Falcao, por Federata e Futbollit të Kinës ka caktuar disa limite për lojtarët e huaj, transmeton Gazeta Express.

“Klubi jonë kishte plane të mëdha për sezonin e ardhshëm, por rregullt e reja na bëjnë të pamundur këtë. Ne kemi nevojë për një sulmues si Karim Benzema ku edhe bëmë ofertë për. Gjithashtu kemi tentuar edhe për Falcaon”, tha Shu për “Sports Channel”.

“Madje ne tashmë kishim arritur marrëveshje me sulmuesin e Benficas Raul Jimenez dhe Radamel Falcaon, të cilët do të nënshkruanin vetëm kontratat. Por, rregullat e reja bën që të heqim dorë nga ta”, shtoi ai.

“Cavani dhe Costa nuk lejohen të largohen deri në verë, por ne nuk mund të presim deri atëherë”, përfundoi Shu. /Express/