Pasi autoritetet kosovare kanë vendosur që treni të mos hyjë në territorin e Kosovës, ministri Hoxhaj, i cili ka qëndruar në Qeveri së bashku me Kryeministrin Mustafa, ka thënë se Kosova do të veproj njëjtë edhe herëve të tjera për ta mbrojtur territorin.

“Qeveria e Kosovës ndaloi sot trenin ilegal të nisur nga Beogradi. Me këtë provokim të ri, Serbia po tregon që është burim i konfliktit, jostabilitetit dhe provokimit. Është shtet që jeton me të kaluarën e errët. Por kurdo që ka nevojë, ne do të sillemi sërish në mënyrë shtetërore për të ruajtur sovranitetin dhe integritetin territorial të Kosovës. Për të mbrojtur interesin e qytetarëve dhe dinjitetin e një shteti të ri e të pavarur që i kemi borxh shumëçka. Sjelljet e javëve të fundit të Serbisë janë një këmbanë alarmi edhe për partnerët tanë evropianë për të kuptuar drejt me çfarë mentaliteti millosheviçian kemi të bëjmë” ka thënë Hoxhaj./