I pari i Komunës së Lipjanit, Imri Ahmeti tha se, jemi mirënjohës BE-së,  që menaxhohet nga Zyra e Bashkimit Evropian në Kosovë, si dhe Ministrisë së Bujqësisë, Pylltarisë dhe Zhvillimit Rural, për implementimin e këtij projekti në komunën e Lipjanit.

Ahmeti, po ashtu tha se, për fermerët e Lipjanit do të jetë një adresë e re, ku interesimet e tyre do të mund të marrin informata dhe komunikim të përditshëm me personin i cili do të jetë në këtë qendër konsultative. Gjithashtu Ahmeti ka vlerësuar këtë projekt duke thënë se, është mjaft produktiv dhe i qëlluar, veçanërisht për qytetarët e komunës së Lipjanit.

“Komuna e Lipjanit njihet për tokë të punueshme dhe mundësi të shumta, në Bujqësi, është koha të bëhen hapa edhe në këtë segment ” , tha ai.

 Hysni Thaçi- drejtor i Departamentit për Shërbime Këshillmore Teknike  ( MBPZHR), tha se komuna e Lipjanit e ka vullnetin e mirë për të punuar, dhe e vlerësoi hapjen e kësaj qendre si mjaft të rëndësishme për komunën e Lipjanit.

 Ndësa Ross Bull- Udhëheqës i projektit të BE-së , tha se ky projekt është këshillues dhe do ta ndihmoi Ministrinë e Bujqësisë, si dhe komunat gjithashtu.

“Hapja e kësaj qendre informative komunale për Bujqësi është ngritje e efikasitetit të shërbimit këshillimor për fermerë dhe palët e tjera të interesit”, tha Ross Bull.