Real Madridi ka vazhduar me formën e jashtëzakonshme në Ligën e Kampionëve duke regjistruar edhe fitoren e gjashtë pas gjashtë ndeshjesh në fazën grupore.
Los Blancos fituan me rezultat 4-0 përballë Ludogorets Razgrad në Santiago Bernabeu.
Cristiano Ronaldo nga penaltia (20’) dhe Gareth Bale (38’) nga loja e hapur, shënuan dy golat e pjesës së parë.
Në pjesën e dytë realizuan Alvaro Arbeloa (80’) dhe Alvaro Medran (88’).
Në ndeshjen tjetër të Grupit B, Liverpooli ka barazuar (1-1) ndaj Baselit dhe me këtë rezultat në fazën tjetër kualifikohet klubi zviceran.
Fabian Frei shënoi për Baselin (25’), ndërsa Steven Gerrard e barazoi rezultatin në minutën e 81-të.
Real Madridi me rekord prej 18 pikësh kualifikohet nga pozita e parë, derisa Baseli numëron shtatë pikë në vend të dytë.
Liverpooli do të vazhdojë garën në Europa League. /Telegrafi/
