Kreu komunal, Imri Ahmeti, së bashku me drejtorin e Drejtorisë së Arsimit në Lipjan, Rasim Hasanin, sot kanë vizituar Shkollën e Mesme “ Ulpiana” si dhe Shkollën e Mesme Profesionale “ Adem Gllavica” në Lipjan.
Në këtë rast, kryetari Ahmeti, tha se arsimi është prioritet i tij, dhe po bëhen përpjekje e vazhdueshme për të rritur efikasitetin dhe cilësinë në të mirë të nxënësve, dhe personelit në përgjithësi, duke iu krijuar kushte sa më të mira.
Semir Gashi drejtori i shkollës “ Ulpiana” në Lipjan,tha se shkolla është duke funksionuar mirë, si nga ana e stafit, si ajo e përkushtimit të nxënësve.
Ndërsa, sa i përket ankesave të inspektoratit sanitar, të Agjencisë së Ushqimit dhe Veterinarisë, drejtori i shkollës “ Adem Gllavica”, Hajrush Stublla, tha se janë përmirësuar, edhe pse shumë nga to nuk qëndrojnë.
Përgjatë ditës së sotme, kryetari Ahmeti,e ka vizituar edhe drejtorin e kolegjit “ Mehmet Akif” në Lipjan, z.Mustafa Erdem, ku në këtë rast janë diskutuar mundësitë e bashkëpunimit në arsim.
