Chelsea ka njoftuar edhe zyrtarisht se mesfushori brazilian, Oscar është transferuar në kampionatin kinez te skuadra e Shanghai SIPG.

Oscar në Shanghai SIPG është transferuar për 61 milionë euro, ndërsa do të përfitojë mbi 20 milionë euro në sezon.

“Chelsea njofton se ka arritur marrëveshje me Shanghai SIPG për transferimin e Oscar. Faleminderit Oscar dhe shumë fat për të ardhmen”, thuhet në njoftimin zyrtar të Chelseat.

Kujtojmë se Oscar në Chelsea ishte transferuar në vitin 2012 dhe që atëherë kishte luajtur në 203 ndeshje, ku kishte shënuar 38 gola. /Express/