​Wilder e refuzon meçin me Joshuan: Fury e meriton një rimeç

PUBLIKUAR

Deontay Wilder u ka dhënë fund spekulimeve për një meç të mundshëm të tij kundër Anthony Joshuas në pranverë të vitit 2019, duke bërë të ditur se ai e pranon rimeçin me Tyson Furyt, të cilin planifikon ta zhvillojë në maj ose qershor të vitit të ardhshëm.

Wilder e mbrojti titullin kampion bote në kategorinë e rëndë divizioni ËBC pas meçit ndaj Tyson Fury, i cili mbaroi me barazim në Staples Centre të Los Angeles të dielën në mëngjes, transmeton Gazeta Express.

Një nokaut në rundin e fundit, 12, doli të jetë vendimtar që lufta të shpallej e barabartë, me britanikun Fury që po udhëhiqte me pikë deri në atë moment.

Pas meçit, Fury kishte sugjeruar se Wilder nuk do të pranonte ta zhvillonte një rimeç, ndërsa promotori i Joshuas, Eddie Hearn, kishte thënë se ai po nisej për në Amerikë, ku do të diskutonte me Wilderin për një meç mes dy boksierëve.

“Fury e meriton rimeçin, kështu është e drejtë. Ai mbijetoi disi pas rrëzimit në rundin e 12-të dhe u kthye nga ferri. Disa njerëz menduan se ai e meritoi të fitonte, disa të tjerë menduan se unë e meritova e disa menduan që ishte baras”, ka thënë Wilder.

“Por seriozisht, unë e dua këtë rimeç para çdo meçi tjetër. Nuk dua askënd tjetër. Është e drejta e tij [Furyt] dhe kjo është gjëja e duhur për ta bërë për botën e boksit”.

“Ai [Joshua] po e merr atë që e meriton. Ata [Joshua dhe Hearn] menduan se janë të vetmit vendimmarrës në divizionin e peshave të rënda. Ata kishin katër muaj kohë për ta kërkuar një meç”.

“Egoizmi i tyre mbizotëroi, kështu që le të vazhdojnë me meçe kundër boksierëve të nivelit të dytë të peshave të rënda, përderisa Fury dhe unë vazhdojmë ta bëjmë boksin të mrekullueshëm përsëri. Nuk dua asnjë meç tjetër”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...