Fernando Torres mund të largohet nga Atletico Madridi pas shumë ofertave që kanë ardhur në adresë të lojtarit. Agjenti i sulmuesit spanjoll, Jose Antonio Martin, ka konfirmuar se shumë ekipe i janë vënë pas klientit të tij, duke përfshirë edhe një skuadër nga Kina.

Ai po ashtu ka shtuar se nëse Atletico pranon ofertën e një klubi, emrin e të cilit nuk e ka bërë të ditur, Torres do të bëhet futbollisti më i paguar në botë.

“Fernando dhe Diego Simeone duhet të ulen e të flasin për këtë ofertë”, ka deklaruar Martin për ‘The Sun’.

“Një ofertë e tillë është e vështirë të refuzohet, pasi që Torres do të bëhet futbollisti më i paguar në botë, por gjithçka do të varet nga dëshira e Atleticos, për ta mbajtur apo shitur lojtarin”.

Përndryshe, ‘El Nino’ ka realizuar dy gola në këtë stinor të La Ligës, me fanellën e Atletico Madridit.  /Telegrafi/