Klubet nuk e kanë të lehtë të arrijnë të transferojë lojtarë gjatë afatit kalimtar të janarit, pasi që klubet e lojtarëve nuk dëshirojnë t’i humbasin lojtarët në gjysmë të sezonit. Megjithatë, gjatë viteve të fundit në Premierligës janë shpenzuar mjaft shumë para gjatë janarit.
Liverpooli e theu rekordin për transferimin e një lojtari gjatë afatit kalimtar të janarit, kur vitin e kaluar e bleu qendërmbrojtësin Virgil Van Dijk nga Southamptoni për plot 84 milionë euro, transmeton Gazeta Express.
Ende ka kohë për klubet e tjera të Premierligës që ta thyejnë këtë rekord. Megjithatë, deri më tani, listën për Top 10 transferimet më të shtrenjta në Premierligë gjata janarit e kryeson Liverpooli me Van Dijk.
Virgil van Dijk – 84 milionë euro, nga Southamptoni në Liverpool
Pierre-Emerick Aubameyang – 68 milionë euro, nga Borussia Dortmund në Arsenal
Christian Pulisic – 65 milionë euro, nga Borussia Dortmund në Chelsea
Aymeric Laporte – 64.5 milionë euro, nga Athletic Bilbao në Manchester City
Fernando Torres – 56.6 milionë euro, nga Liverpooli në Chelsea
Juan Mata – 42 milionë euro, nga Chelsea në Manchester United
Andy Carrol – 39.6 milionë euro, nga Newcastle në Liverpool
Edin Dzeko – 36.8 milionë euro, nga Wolfsburg në Manchester City
Wilfried Bony – 31.7 milionë euro, nga Swnsea City në Manchester City
Cenk Tosun – 30.6 milionë euro, nga Besiktas në Everton
