Në gjysmëfinale të Kupës së Mbretit, Barcelona e turpëroi Real Madridin në shtëpi, duke fituar me rezultat 3:0. Katalonasit u kualifikuan në finale të këtij turneu, me rezultat të përgjithshëm 4;1.
Sado zhgënjyes që ishte rezultati i “Los Blancos” në atë ndeshje, disa lajme të tjera, të cilat po bëhen të ditura tani, pas ndeshjes, e kanë kapur edhe më shumë vëmendjen e mediave botërore, transmeton Gazeta Express.
Televizioni i famshëm sportiv, ESPN, po raporton se disa tifozë, të pranishëm në tribunat e Santiago Bernabeut, kishin bërë thirrje raciste ndaj sulmuesit të Barcelonës, Ousmane Dembeles.
Francezi ishte viktimë e tifozëve të Real Madridit, të cilët po bënin zhurmë si majmunë, duke e diskriminuar kështu Dembelen për shkak të ngjyrës së lëkurës së tij.
Gjatë kësaj ndeshje, tifozët e Real Madridit e kishin ofenduar edhe qendërmbrojtësin e Barcelonës, Gerard Piquen. /Gazeta Express/


