Cristiano Roanldo ditë më parë fitoi Topin e Artë, duke u barazuare me Leo Messin me nga pesë sosh
Ylli i Real Madridit, Cristiano Ronaldo nuk dëshiron të jetë vetëm lojtari më i mirë në botë, por edhe më i paguari.
Për momentin Ronaldo është në vendin e tretë në këtë pikë, pas Leo Messit të Barcelonës dhe Neymar të PSG-së.
Por, ai po tundohet shumë nga ideja për të kërkuar një rritje të pagës në procesin e rinovimit të kontratës me Real Madridin, shkruan Marca.
Herën e fundit që Ronaldo ka rinovuar kontratën me Realin ka qenë në vitin 2016 dhe që nga ai moment nuk është folur në asnjë moment për zgjatjen e mëtejshme të saj, duke qenë se data e skadimit të saj është 30 qershori i 2021.
Pas triumfit për Topin e Artë dhe në Kupën e Botës për Klube, portugezi dëshiron të nënshkruajë një kontratë të re, e cila do ta bënte lojtarin më të paguar dhe do t’i mundësonte atij të pensionohej në Santiago Bernabeu. /Express/
