Paulinho dëshiron që sa më parë të transferohet në Barcelonë
Drejtuesit e Barcelonës janë në kërkim të një mesfushori, pas dështimit që të transferojnë italianin e PSG-së, Marco Verratti.
Plani B i Barcelonës është mesfushori brazilian i Guanghzou, Paulinho, shkruan Mundo Deportivo.
Skuadra kineze e ka konfirmuar ofertën e Barcelonës prej 20 milionë eurosh, të cilën e kishte refuzuar menjëherë.
Por, vet lojtari shpreson se javën tjetër do të arrihet marrëveshja, sepse dëshiron të luajë në Camp Nou.
“Jam shumë i lumtur për interesimin e Barcelonës. Shpresoj se marrëveshja do të arrihet gjatë javës që vjen”, tha Paulinho gjatë një interviste për Mundo Deportivo.
Në planet e Barcelonës janë edhe mesfushorët tjerë si Ander Herrera i Manchester Unitedit dhe Michael Seri i Nice. /Express/
