​Presidenti i Barcelonës e zbulon mundësinë e transferimit të Iscos

PUBLIKUAR

Presidenti i Barcelonës, Jose Maria Bartomeu, ka bërë të ditur se ai fillimisht do t’i kontaktonte drejtuesit e Real Madridit para se të bënte ofertë për ta transferuar mesfushorin spanjoll, Isco.

Për largimin e Iscos nga Santiago Bernabeu është spekuluar që nga fundi i tetorit, kur në pozitën e trajnerit erdhi Santiago Solari. Trajneri argjentinas nuk i beson Iscos dhe e aktivizon atë në lojë vetëm për ndeshjet më pak të rëndësishme ose për pak minuta në fund, transmeton Gazeta Express.

26-vjeçari, kontrata e së cilit përfundon në vitin 2020, i ka bërë vetëm pesë paraqitje si titullar për Real Madridin këtë sezon, ndërsa është aktivizuar nga stoli në dhjetë ndeshje të tjera.

Ai ka qenë i rregullt në ndeshjen e këtij sezoni të Kupës së Mbretit, që gjë sugjeron se ai mund të luajë në ndeshjen kundër Barcelonës, e cila do të zhvillohet sonte në orën 21:00, në Camp Nou.

“Nëse trajnerët tanë e kërkojnë një lojtar dhe ai lojtar dëshiron të largohet nga Real Madridi, atëherë natyrisht që ne do ta transferonim. Por, kjo gjë nuk ka ndodhur gjatë kohës sa kam qenë unë këtu”, ka thënë Bartomeu.

“Nuk ka asnjë pakt mes neve. Të gjithë tentojnë ta bëjnë skuadrën e tyre më të mirë, më garuese. Isco? Për hir të Real Madridit, unë do të flisja fillimisht me presidentin e Real Madridit [Florentino Perezin]. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...