Mbrojtësi legjendar i Manchester Unitedit, Gary Neville, mendon se “Djajtë e kuq” do të jenë mirë edhe nëse Paul Pogba vendos të largohet, pasi që ai mendon se asnjë lojtar nuk është më i madh se klubi.
Marrëdhënia mes Pogbas dhe trajnerit Jose Mourinho thuhet se nuk është edhe aq e mirë. Këtë gjë e ka pranuar edhe francezi, i cili kishte thënë se nuk mund të thotë ato që mendon, pasi që do të gjobitet, përcjell Gazeta Express.
Për më tepër, e ardhmja e Pogbas në Old Trafford është vënë në dyshim pas që edhe vetë lojtari i ka nxitur spekulim të mundshëm të tij drejt Barcelonës. Por, raportohet se ai mund ta pranojë edhe kthimin në Juventus.
“Janë katër mënyra se si e shikoj këtë situatë, si analist, pronar, tifoz dhe si fjalim personal. Si analist, do të thosha se ai është një lojtar i talentuar, por dua të shoh më shumë vazhdimësi dhe lidership”, ka thënë Neville.
“Si tifoz, sinqerisht, një pjesë e imja thotë se askush nuk është më i madh se klubi dhe nuk jam i interesuar për lojtarët që shikojnë klubet e tjera. Kështu që Paul, nëse dëshiron të luash diku tjetër, atëherë shko pasi që Manchester Unitedi do të jetë mirë, mos u shqetëso për këtë gjë”.
“Si pronar, unë do ta bëja atë që po e bëjnë pronarët e Unitedit tani, do të thoja se ai nuk është për shitje. Ata duhet ta mbrojnë atë, por privatisht mund të jenë duke e negociuar një marrëveshje për të marrë 90 milionët eurot që kanë shpenzuar për të”.
“Nëse do të isha brenda dhomës së zhveshjes, do t’i thosha: ‘Paul, është e qartë se ti dëshiron të luash diku tjetër, por duhet të tregohesh profesionist. Mos u bë dikush që shihet si mercenar”. /Gazeta Express/