​Kloppi i pakënaqur me përdorimin e VAR-it

PUBLIKUAR

Trajneri i Liverpoolit, Jurgen Klopp, nuk mbeti i kënaqur me përdorimin e Video Assistant Referee (VAR) në ndeshjen kundër Chelseat, pasi që mendonte se goli i parë i të kaltërve ishte shënuar nga pozita jashtë loje.

Liverpooli u eliminua nga Carabao Cup në rundin e tretë pas ndeshjes kundër Chelseat. Klubi londinez arriti ta përmbysë rezultat në 2-1 dhe të kalojë kështu në fazën tjetër. Edhe pse hyri në lojë vetëm në pjesën e dytë, Hazardi u tregua vendimtar duke e shënuar golin e fitores, transmeton Gazeta Express.

Trajneri i Liverpoolit mendon se një numër i lojtarëve të Chelseat kishin qenë në pozitë jashtë lojë para se Emersoni ta shënonte golin e barazimit në Anfield. Këtë rast e kishte analizuar edhe VAR-i, megjithatë nuk u gjet asgjë e parregullt.

“Mendoj se goli i parë ishte nga pozita jashtë lojë. Nuk mendoj se gjyqtari ishte dashur ta shohë. Për mua, tre lojtarë ishin në pozitë jashtë loje, dy ishin të sigurt, të gjithë e vërejtëm këtë madje edhe Barkley ishin pak në pozitë jashtë loje”, ka thënë Klopp.

“Ata e shikuan dhe nuk menduan se ishte nga pozita jashtë lojë. Duhet ta pranojmë këtë. As gjuajta e lirë nuk ishte ndërhyrje e parregullt. Nuk mendoj kështu, ai lufton për topin dhe as nuk e mban këmbën lart”.

“Gjyqtari ishte në një pozitë të mirë dhe ai e konsideroi si të rregullt. Për fat të keq kishte shumë raste të tilla gjatë ndeshjes dhe këto momente janë vendimtare”. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...