Juventusi do të tentojë ta bindë ose yllin francez të Paris Saint-Germainit, Kylian Mbappen, ose atë të Manchester Unitedit, Paul Pogbas, që t’i bashkohen skuadrës italiane gjatë afatit kalimtar të verës të vitit të ardhshëm, raporton gazeta italiane Tuttusport.
Drejtuesit e “Zonjës së Vjetër” e ndryshuan strategjinë tradicionale të tyre gjatë afateve kalimtare për të shpenzuar më shumë para. Ata e transferuan Cristiano Ronaldon për 112 milionë euro këtë verë, dhe e paguajnë atë rreth 30 milionë euro për sezon, përcjell Gazeta Express.
Besohet se ky ndryshim strategjia ka ndodhur pas largimit të menaxherit të përgjithshëm, Giusepe Marotta, i cili kishte qenë kundër idesë së shpenzimit të shumave të mëdha të parave për të transferuar lojtarë.
Presidenti i Juventusit, Andrea Agnelli, kishte thënë në një intervistë se qëllimi i klubit ishte që super yllin e ardhshëm ta transferonin në moshë më të re se Ronaldo, dhe tani Tuttosport raporton se kjo deklaratë ishte e drejtuar ndaj Mbappes dhe Pogbas.
Juventusi nuk do të ketë mundësi ta blejë francezin e PSG-së në të ardhmen e afërt, por ata shpresojnë se do të mund ta bëjnë këtë gjë kur të afrohet skadimi i kontratës së tij, në vitin 2022.
Ndërsa, opsioni tjetër, Pogba, ka më shumë gjasa të rikthehet në Juventus, pasi që ai nuk është i lumtur në Manchester United. Për të ka shprehur interesim edhe Barcelona, por francezi mund të zgjedhë të kthehet në ish-klubin e tij. /Gazeta Express/