Isco mund të kërkojë që të largohet nga Real Madridi nëse Rafa Benitez do të mbetet në krye të skuadrës.

Sipas ‘Onda Cero’, mesfushori spanjoll është i pakënaqur me mundësitë e pakta që i ka dhënë trajneri 55-vjeçar në këtë sezon, duke mos luajtur asnjë minutë në dy ndeshjet e fundit me ‘Los Blancos’.

Isco dëshiron të largohet qysh në muajin janar, por ende nuk ka pasur ndonjë ofertë serioze nga klubet e tjera për reprezentuesin spanjoll.

Mirëpo, ai mund të ndryshojë mendje në rast të shkarkimit të Benitezit, i cili nëse nuk fiton ndaj Valencias të dielën, mund të largohet nga stoli i Realit. /Telegrafi/