​Henry kërkon falje pasi ia shau gjyshen lojtarit

PUBLIKUAR

Ish-mesfushori legjendar francez, tani trajner i Monacos, Thierry Henry, është detyruar të kërkojë falje publikisht pasi e kishte quajtur “k*urvë” gjyshen e lojtarit të Strasbourgut, Kenny Lalas.

Skuadra e Henrys pësoi një disfatë turpëruese në fundjavë. Monaco humbi me rezultat 5-1 në shtëpi në ndeshjen kundër Strasbourgut, transmeton Gazeta Express.

Legjenda e Arsenalit nuk ishte aspak i lumtur me mënyrën se si po shkonte loja dhe disa herë gjatë ndeshjes lojtarët kundërshtarë u bënë viktimë e thirrjeve abuzive të tij, që nga vijat anësore.

“Është minuta e 43-të, gjyshja jote është k*rvë. Ai duhet të ndalet tani, mjafton me kaq”, kishte bërtitur Henry pak para se të përfundonte pjesa e parë e ndeshjes.

Megjithatë, Henry u kritikua mjaft shumë pasi që këto komente të tij u publikuan në rrjetet sociale. Për këtë arsye, ai doli në një konferencë për shtyp, ku e shfrytëzoi rastin të kërkonte falje për komentet e tij.

“Është një shprehje që përdoret në rrugë, fatkeqësisht. Unë pendohem për komentet që i bëra nga vija anësore e fushës. Ishte një reagim njerëzor, unë jam ende njeri. Pendohem për atë që bëra”, ka thënë Henry.

“Nganjëherë e bëj këtë gjë duke e përdorur gjuhën angleze. Ndoshta po ta kisha përdorur edhe këtë herë gjuhën angleze, nuk do të ishte vërejtur. Jo, po bëj shaka. Nuk duhet ta bëj në asnjë mënyrë këtë gjë”. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...