Ryan Giggs ka porositur Jose Mourinhon që të transferojë katër ose pesë futbollistë gjatë afatit kalimtar të verës
Manchester United po e përfundon edhe një tjetër edicion jo të mirë, ku është jashtë garës për top katërshen e Premierligës.
Sezoni i kësaj skuadre mund të shpëtojë vetëm nëse në finale të Europa League mposhtin Ajaxin, pasi kështu do të siguronin fazën e grupeve të Ligës së Kampionëve.
Për të kthyer skuadrën sërish në nivele të larta, legjenda e Unitedit, Ryan Giggs beson se duhet transferuar edhe katër ose pesë futbollistë.
“Mourinho duhet të zëvendësojë MIchael Carrick dhe Ibrahimovicin, i cili do të mungojë për një vit”, tha fillimisht Giggs për The Express.
“Po ashtu nuk e di se çfarë do të ndodhë me Wayne Rooneyn. Mendoj se Unitedit i duhen edhe katër ose pesë futbollistë të rinj”.
Kujtojmë se tashmë Unitedi ka siguruar transferimin e parë, pasi ka arritur marrëveshje me mesfushorin e Real Madridit, James Rodriguez. /Express/