​Fabregas afër transferimit të gjiganti francez

PUBLIKUAR

Mesfushori spanjoll i Chelseat, Cesc Fabregas, është gjithnjë e më afër transferimit të gjiganti francez, Monaco, sipas burimeve të uebsajtit ndërkombëtar të futbollit, Goal.com.

31-vjeçari është duke hyrë në gjashtëmujorin e tij të fundit të kontratës me Chelsean dhe është i gatshëm të transferohet diku pasi që ai nuk është aktivizuar mjaftueshëm në lojë nga trajneri i ri i Chelseat, Maurizio Sarri, transmeton Gazeta Express.

Edhe pse Fabregasi e kërkon me ngulm largimin nga Stamford Bridge në mënyrë që ta luajë një rol më të madh në ndonjë klub tjetër, Sarri nuk dëshiron që ta lejojë largimin e spanjollit pasi që insiston se ai mbetet në projektin e tij.

“Do të ishte me të vërtetë një problem për mua pa Cescun. Dua që ai të qëndrojë, nuk e di vendimin përfundimtar as të Cescut e as të klubit, natyrisht. Por, për mua është e rëndësishme që nëse Cesc shkon, unë mendoj se duhet të blejmë një lojtar tjetër”, ka thënë Sarri.

Edhe Milani e ka shprehur interesimin për t’i siguruar shërbimet e mesfushorit spanjoll, megjithatë problemet financiare të klubit po ua pamundësojnë kuqezinjve bërjen e një oferte të leverdishme për klubin londinez.

Ndërsa në Monaco, Fabregasi do të punonte me trajnerin Thierry Henry. Këta të dy ishin bashkëlojtarë në Arsenalit gjatë viteve 2003-2007. Fabregasi do të ishte shumë i nevojshëm për skuadrën e Henrys, i cili nuk është duke kaluar edhe aq mirë deri tani në Monaco.

Henry u emërua në pozitën e trajnerit të Monacos në tetor dhe që nga atëherë i ka humbur gjashtë nga nëntë ndeshjet e ligës. Monaco pozicionohet në vendin e 19-të në tabelën e Ligue 1. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...