​De Jongu synon të bëhet si Messi

PUBLIKUAR

Frenkie De Jongu do t’i bashkohet skuadrës së Barcelonës gjatë kësaj vere, sapo të përfundojë ky sezon. Ai ka bërë të ditur se synim në karrierë e ka të bëhet si Lionel Messi dhe të mos largohet asnjëherë nga Camp Nou.

21-vjeçari , i cili ka qenë duke shkëlqyer për Ajaxin që kur debutoi nga akademia e të rinjve të klubit holandez. Tani ai është duke u bërë gati për debutimin në Camp Nou, për sezonin e ardhshëm, transmeton Gazeta Express.

Një transferim në vlerë prej 75 milionë eurosh u arrit mes dy klubeve gjatë afatit kalimtar të janarit. Mirëpo, sipas kësaj marrëveshjeje, De Jongu do të duhet të qëndrojë në Ajax deri në fund të këtij sezoni.

Holandezi është i emocionuar për sezonin e tij të ardhshëm, pasi që ai do ta plotësojë ëndrrën e tij të fëmijërisë, duke i veshur ngjyrat e fanellës së “Blaugranëve”. Ai shpreson se do të arrijë t’i ndjekë hapat e Messit.

“Fillimisht, interesimi kaloi drejt agjentit tim, i cili bisedoi me klubet. Kur interesimi u bë më serioz, në negociata u futa edhe unë. Paris Saint-Germaini ishte opsion i mirë, por Barcelona ka qenë gjithmonë një ëndërr për mua dhe jam i lumtur me kontratën time pesëvjeçare”, ka thënë De Jong.

“Nëse tregohem i suksesshëm, mundësitë janë që unë të mos largohem kurrë, njëjtë si Messi”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...