Barcelona po kalon momente shumë të vështira, jo vetëm në La Liga, por edhe në Ligën e Kampionëve
Fitorja 6:1 ndaj PSG-së ishte menduar që ka kthyer euforinë e Barcelonës dhe kështu do të luftonte për të gjithë titujt e mundshëm.
Por, kjo eufori është ndalur shumë shpejtë, pasi në vetëm tre javë, Barcelona është mposhtur dy herë në La Liga, nga Deportivo La Coruna dhe Malaga.
Po ashtu, Barcelona ka pësuar debakël edhe në Ligën e Kampionëve, duke pësuar humbje 3:0 në ndeshjen e parë çerekfinale ndaj Juventusit.
Sipas Mundo Deportivo, këto paraqitje të luhatshme të skuadrës, kanë bërë që Barcelona të alarmohet, pasi në skuadër po ndodhin disa gjëra jo të mira.
Fillimisht Leo Messi ende nuk e ka vazhduar kontratën, ndërsa skuadra nuk e di ende se kush do të jetë trajner i ri, pasi Luis Enrique do të largohet në fund të edicionit. /Express/
