​Ceferin rizgjidhet president i UEFA-s

PUBLIKUAR

Presidenti aktual i UEFA-s, Aleksander Ceferin, është rizgjedhur në të njëjtën pozitë edhe për mandat tjetër katërvjeçar, si kryesues i organit qeverisës të futbollit evropian.

51-vjeçari slloven, i cili është me profesion është avokat, ishte kandidati i vetëm për këtë pozitë në Kongresin e 43-të të UEFA-s, i cili u mbajt sot në Romë të Italisë, transmeton Gazeta Express.

Ceferini u emërua në këtë pozitë para dy vjetëve e gjysmë, kur ish-presidenti, Michel Platini, u pezullua për shkak të skandaleve me korrupsion.

“Jam i nderuar, unë po e marr këtë punë me më pak dyshime sesa më parë”, tha Ceferin, kur po i falënderonte 55 vendet anëtare të UEFA-s.

“Gjëja më e rrezikshme që mund ta bëjmë është ta ndalim punën dhe ta shijojmë situatën aktuale. Unë dua që UEFA ta vendosë shpresën dhe solidaritetin në zemrën e strategjive tona”.

Roma ishte nikoqire për Kongresin e këtij viti të UEFA-s dhe përveç që u zgjodh presidenti, aty u vendosën edhe disa gjëra të tjera. Në agjendë ishin:

  • Raporti vjetor i UEFA-s, 2017/2018
  • Raportet e kryesuesve të komiteteve
  • Zgjedhja e anëtarëve të Komitetit Ekzekutiv të UEFA-s me mandat katër katërvjeçar
  • Zgjedhja e Këshillit të FIFA-s (dy zëvendëspresidentë të FIFA-s me mandat katërvjeçar, një anëtar i zakonshëm me manat katërvjeçar dhe anëtarë të zakonshëm me mandat dyvjeçar)
  • Ratifikimi i një përfaqësuesi të ri të Shoqatës së Klubeve Evropiane dhe të Komitetin Ekzekutiv të UEFA-s
  • Ratifikimi i anëtarëve të rinj në Organet e UEFA-s për Administrimin e Drejtësisë

/Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...