​Barcelona mohon se i ka shkelur rregullat në lidhje me Rabiotin

PUBLIKUAR

Pas akuzave që i bëri drejtori sportiv i Paris Saint-Germainit, Antero Henrique, drejt Barcelonës, duke thënë se ata nuk i kishin respektuar rregullat e transferimit, klubi katalonas ka reaguar përmes një deklaratë të lëshuar për media.

Është bërë e qartë se PSG-ja dëshironte ta mbante mesfushorin Adrien Rabiot për një kohë më të gjatë në klub, mirëpo francezi i ka refuzuar të gjitha ofertat e bëra nga drejtuesit e klubit francez, pasi që dëshiron ta sigurojë një transferim në Barcelonë, transmeton Gazeta Express.

Për këtë arsye, Antero Henrique e kishte sulmuar publikisht klubin katalonas, duke thënë se ata nuk i respektojnë rregullat e futbollit, si dhe duke shtuar se oferta e bërë për Rabiotin është ofenduese për PSG-në.

“Barcelona dëshiron t’i adresojë lajmet e publikuara në Francë sa i përket transferimit të lojtarëve të Paris Saint-Germainit dhe ta bëjë të qartë se nuk ka shkelur asnjë rregull sa i përket kësaj”, shkruhet në deklaratën e publikuar në faqen zyrtare të Barcelonës.

“Kontakti i vetëm u bë gjatë muajit gusht dhe para një javë. Në të dyja rastet, kontakti u bë me menaxherët sportiv të PSG-së për ta shfaqur interesimin e Barcelonës për futbollistin Adrien Rabiot”.

“Barcelona gjithmonë ka dashur të punojë me transparencën më të madhe në marrëveshjet me PSG-në dhe çfarëdo klubi tjetër. Barcelona e mohon ekzistencën e ndonjë marrëveshje me lojtarin e PSG-së, Adrien Rabiot”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...