Sport Mediaset raporton se tanimë është arritur një marrëveshje mes Milanit dhe Chelseat për shkëmbimin e qendërsulmuesve, Alvaro Moratës dhe Gonzalo Higuainit.
Chelsea është duke kërkuar për një qendërsulmues të ri, përderisa as Milani nuk është i kënaqur me qendërsulmuesin e tyre, kështu që shkëmbimi i Moratës me Higuainin i përshtatet të dy klubeve, transmeton Gazeta Express.
Sulmuesi i Chelseat, Morata, nuk ka arritur ta dëshmojë veten nën trajnerin e ri, Maurizio Sarrin, përderisa Higuaini i Milanit do të dëshironte të bashkohej me ish-trajnerin e tij në Chelsea, me të cilin kishte bashkëpunuar në Napoli.
Sport Mediaset raporton se Higuaini do të kalojë si huazim për gjashtë muaj në Chelsea, ndërsa Morata do të shkojë si huazim për 18 muaj në Milan. Në fund të sezonit, Milani do t’ia dorëzojë Chelseat opsionin për ta blerë Higuainin për 36 milionë euro.
Kjo marrëveshje do të duhej të aprovohej edhe nga Juventusi, pasi që Higuain është i huazuar për këtë sezon nga Juventusi në Milan, dhe ky i fundit e ka opsionin për ta blerë atë përfundimisht në fund të sezonit. /Gazeta Express/