​Allegri befason me vendimin e tij për rrjetet sociale!

PUBLIKUAR

Trajneri i Juventusit, Massimiliano Allegri, i ka habitur tifozët e klubit të tij, duke i fshirë llogaritë e tij në Twitter dhe Instagram.

Allegri ishte shumë aktiv në rrjete sociale, kur ai vazhdimisht i komentonte ndeshjet e Juventusit. Megjithatë, gjatë javëve të fundit, ai mori shumë kritika për stilin e lojës së “Zonjës së Vjetër”, transmeton Gazeta Express.

Arsyeja e vërtetë pas vendimit të Allegrit për përdorimin e rrjeteve sociale mbetet ende e paqartë. Kjo gjë pritet të sqarohet në konferencën për shtyp që italiani do ta mbajë të shtunën, para ndeshjes së Serisë A, kundër Napolit.

Fillimisht ai e kishte fshirë llogarinë e tij në Instagram dhe të gjitha postimet në Twitter, mirëpo, më vonë, italiani e fshiu edhe llogarinë në Twitter.

E ardhmja e Allegrit është në dyshim pas humbjes befasuese 2:0 nga Atletico Madridi, në ndeshjen e parë në 1/8 e finales së Ligës së Kampionëve. Këshilltari i trajnerit italian, Giovanni Galeone, ka thënë se Allegri do të largohet nga “Zonja e Vjetër” në një të ardhme të afërt.

“Unë tashmë i kam thënë atij, pesë vite më parë, që të shkojë në Premierligë”, tha 78-vjeçari për “Radio Kiss Kiss”, ka thënë Galeone.

“Nuk mendoj se mund të shkojë në ndonjë klub tjetër në Itali. Pavarësisht se çfarë do të ndodhë në Ligën e Kampionëve, mendoj se i ka ardhur fundi aventurës së tij në Juve”.

“Vitin e kaluar ai ka mundur të shkojë në Chelsea, Arsenal, Manchester United apo Real Madrid, por refuzoi sepse donte të fitojë Ligën e Kampionëve me Juventusin”. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...