Barcelona është mposhtur në shtëpi nga Real Betisi me rezultat minimal 0:1, në ndeshjen e vlefshme për xhiron e 16-të në La Liga.
Kësisoj, Xavi Hernandez njoftohet me humbjen e parë nën drejtimin e Barcelonës.
Goli i vetëm i ndeshjes u shënua në minutën e 79-të nga Juanmi, i cili u asistua nga Tello, shkruan Gazeta Express.
Me këtë humbje, Barcelona i shuan edhe më shumë shpresat në garë për titull, pasi tani gjendet në vendin e shtatë me 23 pikë, 13 më pak se Real Madridi.
Real Betisi në anën tjetër me këtë fitore shkon në kuotën e 30 pikëve dhe zë vendin e tretë përkohësisht. /Gazeta Express/
