Disa ditë më parë, Einxhel Shkira dhe Dj Dagz kanë shkëmbyer puthjen e tyre të parë romantike, mes përkëdheljesh dhe përqafimesh teksa po kalonin kohë me njeri-tjetrin.

Edhe pse kjo puthje pritej të nistë diçka të re mes dyshes, duket se moderatorja është penduar dhe ka dashur që ai veprim mos të kishte ndodhur.

Ajo ka biseduar lidhur me këtë gjë me disa nga banorët e shtëpisë, por më në fund, ajo dhe Dagz e diskutuan puthjen me njeri-tjetrin; deklarata e saj ishte e papritur.

Einxhel u shpreh se kishte vendosur të mos merrej më me të dhe arsyeja për këtë ishte pikërisht hyrja e motrës së Dagz.

DJ Dagz: Në një anë e kam ditur, kam qenë i përgatitur që ti do ta marrësh ndryshe.

Einxhel: Nuk e mora ndryshe, thjesht do të kisha preferuar të mos kishte ndodhur.

DJ Dagz: Nuk e kthejmë dot. Por e njëjta gjë do të ndodhte.

Einxhel: Jo se unë do të rrija tek krevati im. Atë natë kisha vendosur që nuk do të merresha më me ty, kështu vendosa në kokën time. Me 1, pas prime.

DJ Dagz: Me çfarë rasti? Për punën e Aurorës?

Einxhel: Po. Mendova se do ishte më mirë për ty.