Kontrata e Antonio Rudiger me Chelsean skadon në verë dhe duket se nuk është në nxitim për të nënshkruar një marrëveshje të re, me interes nga Paris Saint-Germain, Bayern Munich dhe Real Madrid.

Megjithatë, trajneri i Chelseat, Thomas Tuchel, po bën të pamundurën për të bindur gjermanin të qëndrojë në “Stamford Bridge.

Pas fitores ndaj Leicesterit të shtunën, Tuchel lavdëroi Rudiger dhe këmbënguli se ai dhe klubi po përpiqen të sigurojnë që ai të mbetet te Blutë edhe përtej verës së ardhshme.

“Ai ka qenë i jashtëzakonshëm që nga dita e parë e deri tani. Shpresoj që të mbetet kështu,” tha ai.

“Në mbrojtje jemi të fortë si zakonisht dhe ata meritojnë lëvdata për këtë. Të gjithë duan që ai të qëndrojë, është e qartë dhe ai e di, por ndonjëherë ka një vonesë në këto gjëra dhe padyshim që ka një vonesë. Mund të ndodhë këto ditë, por nuk ndikon në mentalitetin e tij, nuk ndikon në cilësinë e tij, nuk ndikon në sjelljen e tij. Ai është plotësisht i përkushtuar ndaj Chelseat tani dhe jam absolutisht i sigurt se ndjen besimin, respektin dhe dashurinë nga klubi dhe spektatorët. Ai e di atë që ai ka këtu një klub fantastik. Ai është një konkurrent. Ne do të kemi pak durim dhe shpresojmë një fund të lumtur”, tha Tuchel.

/Gazeta Express/