Të shtëna me armë gjatë një dasme në Ferizaj, policia sekuestron armën dhe nis procedurat ligjore

PUBLIKUAR

Një incident me armë zjarri është shënuar sot rreth orës 15:30 në rrugën “Mihajl Grameno” në Ferizaj, ku gjatë një ceremonie martesore është raportuar për të shtëna me armë.

Policia e Kosovës ka reaguar menjëherë pas marrjes së informatës, duke arritur në vendin e ngjarjes dhe duke identifikuar të dyshuarin, një mashkull 56-vjeçar me inicialet Sh.I.


Sipas njoftimit zyrtar nga Policia Rajonale në Ferizaj, personi i dyshuar ka pranuar se ka shtënë me armë zjarri, të cilën e posedonte me leje.

Nga vendi i ngjarjes janë sekuestruar një armë zjarri e tipit pistoletë, tetë gëzhoja dhe leja për armëmbajtje. Pas intervistimit në stacionin policor, me vendim të prokurorit të shtetit, i dyshuari është liruar në procedurë të rregullt.

Rasti është cilësuar si “Përdorim i armës apo mjetit të rrezikshëm” dhe “Shkaktim i rrezikut të përgjithshëm”.

Policia ka përsëritur apelin drejtuar qytetarëve që të shmangin përdorimin e armëve të zjarrit në ahengje familjare, duke theksuar se një veprim i tillë përbën rrezik të madh për jetën dhe sigurinë publike. /Telegrafi/

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...