Takim strategjik në SHBA, Kosova përgatitet për prokurime të reja ushtarake me ndihmën amerikane

PUBLIKUAR

Ministri në detyrë i Mbrojtjes së Kosovës, Ejup Maqedonci, ka zhvilluar një takim të rëndësishëm me drejtorin e Agjencisë për Bashkëpunim në Mbrojtje dhe Siguri të Departamentit të Mbrojtjes së SHBA-së, Michael F. Miller, në kuadër të panairit ndërkombëtar të mbrojtjes “AUSA 2025”.

Në takim ishin të pranishëm edhe zëvendëskomandanti i FSK-së, gjeneralmajor Enver Cikaqi, atasheu i mbrojtjes së Kosovës në SHBA, Sylejman Cakaj, si dhe drejtori i Departamentit për Bashkëpunim Ndërkombëtar dhe Integrime Euro-Atlantike, kolonel Ahmet Ajeti.

Fokusi i takimit ishte në bashkëpunimin dypalësh dhe prokurimet strategjike.

“Gjatë takimit u diskutua gjerësisht për bashkëpunimin e deritanishëm në fushën e mbrojtjes, veçanërisht në prokurimin e pajisjeve dhe sistemeve të armatimit përmes mekanizmit FMS (Foreign Military Sales), i cili u vlerësua si një model efikas dhe me benefite të dukshme për Kosovën. Ky mekanizëm ka mundësuar blerje shtet më shtet me SHBA-në, me kosto më të ulët dhe cilësi më të lartë të produkteve të prokuruara,” u theksua gjatë takimit.

Temë tjetër e diskutimit ishin edhe prokurimet e ardhshme që pritet të realizohen për nevojat e FSK-së, si dhe ndihma që Kosova i ka ofruar Ukrainës në kuadër të përpjekjeve ndërkombëtare për mbështetje ndaj këtij vendi në luftë.

Drejtori amerikan Michael F. Miller e përgëzoi Kosovën për nënshkrimin e Marrëveshjes për Ndërveprueshmëri dhe Siguri në Komunikim (CISMOA), që sipas tij përbën një hap thelbësor drejt thellimit të bashkëpunimit në fushën e sigurisë.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...