Fitorja e Shqipërisë ndaj Lihtenshtajnit dhe barazimi i Italisë dhe Spanjës nënkupton që “kuqezinjtë” janë në vendin e parë në Grupin G, ku bëjnë pjesë edhe Italia e Spanja.
Të përzgjdhurit e trajnerit De Biazi shënuan fitore 2 me 0 ndaj Lihtenshajnit me golat e Hykës e Balajt, ndërsa Italia e Spanja barazuan 1 me 1.
Spanjollët ishin në epërsi deri në minutat e fundit të ndeshjes, kur De Rossi shënoi për italianët.
Shqipëria ka shënuar fitore në ndeshjen e parë ndaj Maqedonisë dhe aktualisht ka gjashtë pikë në grup, apo dy më shumë së Spanja./Insajderi.com
