Sot, Organizata International Charity Organization në bashkëpunim me Shoqatën “Bereqeti” pranë Këshillit të Bashkësisë Islame të Lipjanit, ka realizuar shpërndarjen e mishit të kurbanit për 360 familje skamnore në komunën e Lipjanit.

Përfituesit janë përzgjedhur në bashkëpunim me imamët e xhamive, Qendrën për Punë Sociale, Handikos-in, si dhe në bazë të listave të Shoqatës “Bereqeti”.

Këshilli i Bashkësisë Islame i Lipjanit shpreh mirënjohjen dhe falënderimin e thellë për mbështetjen e vazhdueshme të Organizatës ICO, nën udhëheqjen e z. Naser Gashi, në ndihmë të familjeve në nevojë të komunës sonë.