Lipjan, 29 dhjetor 2025

Shoqata Humanitare “Bereqeti”, në kuadër të Këshillit të Bashkësisë Islame në Lipjan, sot ka bërë shpërndarjen e 285 pakove higjienike për familjet në nevojë. Këto pako janë financuar nga International Charity Organization, me seli në Emiratet e Bashkuara Arabe, zyra në Kosovë.

Shpërndarja u bë në prani të përfaqësuesve të KBI Lipjan dhe Drejtorit të Shoqatës ICO z. Naser Gashi, të cilët i dorëzuan pakot familjeve përfituese.

Përzgjedhja e familjeve përfituese është bërë në bashkëpunim me Imamët e xhamive në të gjithë territorin e Komunës së Lipjanit, Komunën e Lipjanit, Shoqatën Handikos, përfaqësues të veteranëve të UÇK-së, si dhe në bazë të listave ekzistuese të Shoqatës Humanitare “Bereqeti”.

Vlera e përgjithshme e projektit arrin shumën 16,478.70 €, ndërsa vlera e një pakoje higjienike është 57.82 €.

Këshilli i Bashkësisë Islame në Lipjan dhe Shoqata “Bereqeti”, shpreh mirënjohjen e thellë ndaj International Charity Organization për përkrahjen dhe kujdesin e vazhdueshëm ndaj familjeve në nevojë.
Projekte të tilla humanitare janë dëshmi e bashkëpunimit të frytshëm ndërmjet KBI Lipjan dhe kësaj organizate ndërkombëtare humanitare.