Futbollisti i Chelseat, në skadim të kontratës pas gjashtë muajsh, po flet me drejtuesit e Real Madridit, Paris Saint-Germainit dhe Bayern Munichut

Antonio Rudiger e sheh të ardhmen e tij larg Chelseat.

Mbrojtësit gjerman do t’i skadojë kontrata në fund të këtij sezoni.

Dhe, 28 vjeçari i ka nisur qysh tash bisedimet me gjigantët e futbollit evropian.

“Sky Sports” raporton se ai po flet me drejtuesit e Real Madridit, të Paris Saint-Germainit dhe të Bayern Munichut, përcjell “Gazeta Express”.

Mbrojtësi i Chelseat e ka të lejueshme të bisedojë me klubet tjera prej tash.

Ai është duke kaluar nëpër një formë të shkëlqyeshme.

Duket se Rudiger nuk preferon të qëndrojë më në “Stamford Bridge”. /Gazeta Express/