Rrjeti i Grupeve të Grave të Kosovës, sot organizon marshin në kuadër të 16 ditëve të aktivizmit kundër dhunës në baza gjinore, me moton “Nuk ka arsyetim!”.

Kjo organizatë përmes një komunikat për media, thotë se dhuna në baza gjinore vazhdon të mbetet mjaft e përhapur.

“Vetëm në vitin 2014, 41 për qind e grave dhe vajzave janë deklaruar se kanë përjetuar dhunë në familje, ndërsa 68 për qind kanë përjetuar dhunë në familje gjatë tërë jetës së tyre. Tutje, 64,1 për qind e grave dhe e vajzave në Kosovë kanë qenë të ngacmuara seksualisht, të paktën një herë gjatë jetës së tyre”, thuhet në njoftim.

Ndëresa sipas RrGGK-së  64,1 përqind e grave dhe e vajzave në Kosovë kanë qenë të ngacmuara seksualisht, të paktën një herë gjatë jetës së tyre.

“Prandaj, për të ngritur zërin kundër dhunës në baza gjinore, RrGGK organizon marshin ‘Nuk Ka Arsyetim!’. Gjatë marshit, pjesëmarrësve do t’iu shpërndahen letra në të cilat do të ketë citime dhe të dhëna për rastet e dhunës në baza gjinore në Kosovë”.

Marshi do të fillojë nga ora 12:00, në sheshin “Zahir Pajaziti”.